9月2日

話說之前有blog友留言....話比小夢聽李錦記既麻婆豆腐醬都好好味嫁~
所以呢日專誠做呢一味....試下有幾正先....試煮結果係....100分~~yeah~~
估唔到係真正麻辣....雖然辣...不過係辣得黎條利係痺痺地咁....唔會勁飲水...
真係我都係第一次食到咁好味既麻婆豆腐呀...好味過出面的呢~^^
所以小夢已經煮左兩次啦....百吃不厭呀....正~
老公都話好食....不過佢唔係好受得辣~^^"
兩次都唔同口味嫁~~~
第一次煮 : 最後落左半碗仔水 + 粟粉一茶匙   (比較辣....鐘意辣既正)
第二次煮 : 最後落左一滿飯碗水 + 粟粉兩茶匙  (比較多汁....無咁辣....撈飯一流)
大家一定要試下呀~~^_^
仲有...如果有好野一定要繼續講我知呀~^_^...多謝大家~*

上面既係第二次煮....水會比較多dd~^^...老公岩食d~*

撈飯飯一流.....記得一樣野呀....就係記得要煮多d飯喔~*

材料 :

百福蒸煮滑豆腐          一盒
免治豬肉                      一飯碗左右 

醃料 :

鹽                                  一茶匙
糖                                  一茶匙
雞粉                              一茶匙
粟粉                              一茶匙
麻油                              少許

小夢小小圖解 :

1) 將豆腐隔水切粒
2) 豬肉醃好
3) 麻婆豆腐醬既包裝
4) 熱油鑊....用中火先把豬肉炒熟
5) 炒到香香....就較細火
6) 小心輕輕力落豆腐....拌勻
7) 落麻婆豆腐醬....然後拌勻....小心不要炒爛豆腐....要慢慢去撥勻
8) 依個人口味....加入粟粉水半碗至一碗....再煮至汁杰即成
9) 撈飯最好味喔....小夢熱烈推介~*

小夢再一次同大家講.....希望大家唔會悶親啦~~^^"
因為小夢真係覺得好好味....先會大大力推薦....嘻~~希望大家喜歡~*